所謂「截句」，一至四行均可，可以是新作，也可以是從舊作截取，深入淺出最好，深入深出亦無妨。截句的提倡是為讓詩更多元化，小詩更簡潔、更新鮮，期盼透過這樣的提倡讓庶民更有機會讀寫新詩。

　　姜太公釣魚離水三寸，詩人王羅蜜多釣魚是用目尾烏白捽，有時捽上樹尾雲頂，有時捽佇草仔埔，有時閣捽入深深的湖底。捽有捽無不管他，自然就好。捽著的魚仔通常無大尾，三四指爾爾。

　　《王羅蜜多截句》這是一本臺語截句集，攏總生出八十首，多數是佇散步中間雄雄產生的。較長的就切一截好份的，較短的直接用，集集規盤，逐家分享。

本書特色

　　1.臺灣詩學25周年截句詩系，全系列15本。

　　2.截句簡潔清新，情感精煉。所謂「截句」，四行以下之詩，可以是新作，也可以是從舊作截取，深入淺出最好，深入深出亦無妨。截句的提倡是為讓詩更多元化，小詩更簡潔、更新鮮，期盼透過這樣的提倡讓庶民更有機會讀寫新詩。

　　3.本詩集全文以臺語書寫，保留詩的原形，並特別收錄七張精美的彩色攝影作品，經過裁切僅取有意味的部分。

作者簡介

王羅蜜多

　　南華大學宗教學碩士。曾獲臺文戰線小說、現代詩首獎，教育部閩客文學獎社會組散文首獎。乾坤詩獎、臺南文學獎、桃城文學獎、玉山文學獎、夢花文學獎等。已出版詩集《問路 用一首詩》、《颱風意識流》等。

【總序】與時俱進．和弦共振──臺灣詩學季刊社成立25周年／蕭蕭
【自序】踏話頭：捽著一首詩／王羅蜜多

▐ 輯一 秋天的風聲薄縭絲▐
001
002
003
004
005
006
007
008
009
010
011
012
013
014
015

▐ 輯二 流浪的皮▐
001
002
003
004
005
006
007
008
009
010
011
012

▐ 輯三 青翠的稀媺▐
001
002
003
004
005
006
007
008
009

▐ 輯四 古早喙脣▐
001
002
003
004
005
006
007
008
009
010
011
012
013
014
015

▐ 輯五 掠話骨▐
001
002
003
004
005
006
007
008
009
010
011
012
013
014
015

▐ 輯六 大海▐
001
002
003
004
005
006
007
008
009
010
011

▐ 輯七 天光▐
001
002
003

自序

踏話頭：捽著一首詩
王羅蜜多

　　定定佇大目降的虎頭埤行踏，遐是會當予我敨開身心靈的所在。

　　我踅湖一輾大約一點鐘，若準閣坐落來看冊寫物件，就愛延甲兩點鐘。退休了後時間自由兼免門票，我就更加濟去矣。

　　踅湖，有時會看著別人傱甲像走馬灯，大氣喘袂離。怹講，緊行，較有運動著。毋過，我從來無咧注意家己的跤步，只是一直行，頭殼有時空空，有時四界相，幌咧幌咧，有行東西甩南北的爽快。

　　四常，佇行踏的中間，一寡字句浮上頭殼頂，起先那有那無，落尾直直明朗起來。親像魚仔已經咧食餌，就等待適當的時機共釣起來。這時陣，若看著路邊有柴椅就愛坐落來，搜身軀的橐袋仔，揣出一張紙條仔，可能是水單電單，可能是拆開的批囊。

　　按呢，一尾活靈靈的魚仔就落佇紙面。魚仔通常無大尾，三四指爾爾。姜太公釣魚離水三寸，我釣魚是用目尾烏白捽，有時捽上樹尾雲頂，有時捽佇草仔埔，有時閣捽入深深的湖底。捽有捽無不管他，自然就好。

　　用兩點鐘佮一身軀汗水，捽著一首詩，按呢算是有夠本矣！時常按呢，我就歡歡喜喜來85度C啉咖啡。

　　85度C佇大目降忠孝街的路口，邊仔是新化高中圍牆，正對對徛一尊四面佛，時常有人來求愛情、健康、事業、財運。彼是現實的人生，而佇咖啡邊，我當咧整理的，是噗噗跳的內心。

　　兩三冬來，按呢產生的詩作真濟，其中有一寡含相片陸續發表佇面冊，多數是臺語詩。相片真濟是截過，取有意味的部分。詩，保留原形。

　　今年中，共遮詩作整理好勢，想欲出版，拄好臺灣詩學邀集截句出冊，就提出來用矣！其中一部分無超過四行，就直接囥落。超過的，就切一塊好份的來用。如果切出來的無蓋媠氣，就閣共xiūgǎi一下。

　　按呢，攏總生出八十首，無濟也無少。準講，有一部分無蓋四序，會當來參加這擺的截句集出版，感覺誠歡喜。佇遮，招汝用唸截句的喙脣，啉一杯咖啡！

2017/7/30佇大目降畫室

〈掠畫骨〉今仔日風誠透溪岸頂的雲尪分兩爿一爿是耶穌的面一爿是達摩的尻川斗 〈春天無人鼻〉透中晝的橋南老街風微微湖水攤開身軀齁齁叫可憐的柳樹枝，妝甲嬌滴滴Hiù芳水，使目箭，無人鼻 〈大海〉汝看，石頭佮石頭哩哩碌碌水湧佮水湧嗤嗤呲呲閣有彼个姑娘面向南方講袂煞到底為啥物？